Content
Direktè Kredi ak Devlopman Pòtfey
Katagori: Kad Manadjè
SIPEVIZE: CEO
OBJEKTIF JENERAL:Asire pòtfey bizinis devlopman (kredi endividyèl) jere pou :
- Risk pòtfey la toujou rete pi piti ou egal a 5%.
- Toujou gen nouvo kliyan.
- Kliyan ki la deja yo satisfè de sèvis ki bay la epi kontinye travay ak BD.
Travay Chak jou
Devlopman Pòtfey Biznis
- Prepare yon plan daksyon anyèl pou depatman ka atènn objektif ki fikse yo.
- Rankontre avèk ajan kredi biznis devlopman pou bay yo konsèy ak enfòmasyon pou yo fè pwomosyon sou pwodwi yo bay kliyan yo.
- Analyze evolisyon mansyèl pòtfey kredi a, fè rekomandasyon pou korije sa ki pou korije epi kominike enfòmasyon sa yo bay direksyon jeneral, finans ak ajan kredi yo.
Sipèvizyon Administrasyon
- Asire l dosye kliyan yo jere kòm sa dwa: demann yo trete dapre delè ki tabli yo,tout enfòmasyon sou kliyan yo nan dosye yo, dosye yo siyen epi klase dapre pwosedi ki tabli.
- Evalye pwosedi ki anplas yo, fè chanjman ki nesesè epi kominike yo bay anplwaye yo.
- Asire l rapò statistik yo fiyab, yo reprezante la reyalite.
- Prepare bidjè anyèl pou depatman an.
Jesyon Prè
- Fè yon kontwol sere sou tout prè ki an fòs : gade si pa gen reta, gade si pa delenkans epi bay ajan kredi yo sipò pou fè kliyan yo ranbouse lajan yo prete nan delè.
- Fè vizit teren ak ajan kredi yo, ale wè kliyan yo epi verifye travay la fèt dapre pwosedi ki tabli yo epi kliyan yo satisfè.
- Evalye ak ajan kredi yo ki demach ki pou fèt lè kliyan yo delenkan: mete sou pye yon plan daksyon ansanm ak yon kalandriye pou ranbousman prè, rankontre kliyan sa yo ansanm ak administratè epi ajan kredi.
- Patisipe nan komite kredi.
- Soumèt lis prè ki pou radye nan direksyon jeneral pou otorizasyon.
- Fè kalkil pwovizyon pòtfey la dapre metod CAMEL.
Jesyon rapò
- Evalye tout rapò ki soumèt sou pòtfey kredi biznis devlopman pa administratè a. Mande l tout nouvo rapò ki ka itil pou pran bon desizyon pou depatman an.
- Fè konsolidasyon tout enfòmasyon yo epi bay rekomandasyon a direksyon jeneral epi fè swivi ak tout moun ki konsènen pou asire l rekomandasyon yo aplike.
Resous Imèn
- Fè rekritman ajan kredi pou depatman an, asire fòmasyon yo, evalye yo .
- Fè reyinyon avèk staf depatman an pou fè enfòmasyon sikile ansanm ak resevwa enfómasyon.
- Fè evalyasyon pèfòmans anplwaye ki nan depaman, fè rekomandasyon bay direksyon jeneral.
Lòt tach
- Patisipe nan reyinyon lidèchip.
- Fè tout lòt travay ki an rapò ak biznis devlopman sipèvize a mandel fè.
Kritè Rekritman
Etid: 4 lane inivèsite nan kontabilite, ekonomi oubyen jesyon.
Eksperyans : pou pi piti 3 lane eksperyans nan yo pòs responsabilite nan mikwofinans oubyen nan yon pòs responsabilite nan jesyon.
Kalite Pèsonèl ak Konpetans
- Dinamik
- Etik ak entegrite
- Kapab jere konfli
- Lidèchip
- Disponib pou travay la ak pou kliyan/anplwaye
- Kapasite pou fè analyz
- Byen konprann chif
Applicants meeting the minimum job qualification listed should send cover letter and resume to This e-mail address is being protected from spambots. You need JavaScript enabled to view it